काठमाडौं । नयाँ मिस नेपालको ग्रान्ड फिनाले आज हुँदैछ । बेलुका ललितपुरमा हुने ग्रान्ड फिनालेमा २४ जना सुन्दरीबीच ताजका लागि प्रतिस्पर्धा हुने भएको हो ।
अघिल्ला दुई वर्षमा कोरोना महामारीका कारण रोकिएको मिस नेपाल यसपटक भने भौतिकरुपमै आयोजना हुने द हिडन ट्रेजरले जनाएको छ । ६ जना जना चिकित्सकसहित विभिन्न पेसा व्यवसायका सुन्दरीहरु प्रतिस्पर्धामा उत्रिएका छन् । यसपटकको संस्करणबाट मिस नेपाल वर्ल्ड, मिस नेपाल इन्टरनेसनल र मिस नेपाल अर्थ छानिनेछन् । आजको फिनालेमा नीति शाहसहित ११ जना निर्णायकको रुपमा रहनेछन् ।
नयाँ विजेतालाई मिस नेपाल नम्रता श्रेष्ठले ताज पहिर्याइदिनेछिन् ।
