काठमाडौँ । नेपाली चलचित्र क्षेत्रकी चर्चित नायिका करिश्मा मानन्धर एमाले प्रवेश गर्न लागेकी छिन् । नेपाल कम्युनिष्ट पार्टी स्थापना दिवसको अवसर पारेर मानन्धर आगामी वैशाख ९ गते एमाले प्रवेश गर्न लागेकी हुन् ।
मानन्धरले आफू एमाले अध्यक्ष केपी शर्मा ओलीबाट प्रभावित भएको सार्वजनिकरुपमा नै बताउँदै र भन्दै आएकी छिन् । उनले यसबीचमा अध्यक्ष ओली र एमाले नेताहरुसँग भेटघाट गर्दै आएकी छिन् ।
उनी यसअघि बाबुराम भट्टराईको नेतृत्वको तत्कालीन पार्टी नयाँ शक्ति नेपालबाट पार्टी राजनीतिमा सक्रिय भए पनि केही समयपछि सो पार्टी परित्याग गरेकी थिइन् ।
