नायक पल शाह एनएमबी बैंकको ब्राण्ड एम्बेस्डरमा नियुक्त

काठमाडौं । अभिनेता पल शाह एनएमबि बैंकको ब्राण्ड एम्वेस्टरमा नियुक्त भएका छन् । आज आयोजित पत्रकार सम्मेलनमा बैंकले समाजसेवामा समेत लागेका नायक शाहलाई ब्राण्ड एम्बेस्डरमा नियुक्त गरेको जानकारी दिएको हो ।
फिल्मका साथै सयौ म्युजिक भिडियोमा अभिनय गरेका उदीयमान अभिनेता शाहसँगको सहकार्यले बैंकको प्रवद्र्धनमा थप मद्दत पुग्ने विश्वास गरिएको बैंकले जनाएको छ ।
एनएमबी बैंकको ब्राण्ड एम्बेसडर भएर सहकार्य गर्न पाउँदा आफूलाई खुशी लागेको र बैंकको प्रगतिमा आफूले पनि भूमिका निर्वाह गर्ने अभिनेता शाहले बताएका छन् ।
एनएमबी बैंकले हाल १८१ शाखा, १२७ एटिएम काउन्टरहरु र ९ एक्सटेन्सन काउन्टरमार्फत सेवा दिँदै आएको छ ।