काठमाडौँ । नेपाली चलचित्र क्षेत्रकी सदावहार सुन्दरी नायिका करिश्मा मानन्धर अहिले कक्षा १२ को परीक्षाको तयारी गर्दै छिन् । उनी सबै काम छोडेर पठनपाठनमा लागेकी छन् । भदौ ३० गतेबाट सुरु हुने परीक्षा तयारीका लागि सबै काम छोडेर पठनपाठनमा उनी व्यस्त भएकी हुन् ।
केही दिनअगाडि स्थगित गरिएको कक्षा १२ को परीक्षा पुनः हुने भएपछि उनले आफूलाई पढाइमा व्यस्त राखिकी हुन् । बाहिरको काम धेरै आइरहे पनि असोज ४ गतेसम्म परीक्षा भएकाले परीक्षा नसकिएसम्म बाहिरको कुनै पनि कार्यक्रम, प्रोजेक्टमा सहभागी नहुने मनस्थिति उनले बनाएकी छन् । करिश्मा किटनी कलेज अध्ययनरत छिन् भने उनको परीक्षा सेन्टर पनि सोही कलेजमै परेको छ ।
अभिनयका अलावा समाजसेवा, राजनीतिलगायत धेरै विषयमा सक्रिय उनी पछिल्लो समय व्यवसायमा समेत लागेकी छन् । करिश्माले केही दिनदेखि अन्तर्राष्ट्रिय इन्टेक्स ब्राण्डका इलेक्ट्रोनिक्स सामानको व्यवसाय नेपालमा सुरु गरेकी छन् । रिसिक ट्रेडिङ कन्ट्रक्सन प्रालिमार्फत् उनी इन्टेक्स ब्राण्डका सामानका लागि नेपालको आधिकारिक बिक्रेता बनेकी छन् ।
