नवलपरासी । मोटरसाइकलको ठक्करबाट प्रहरी निरीक्षक (इन्सपेक्टर) कपिल वाग्लेको मृत्यु भएको छ ।
तनहुँको म्याग्दे गाउँपालिका ४ घर भएका ४३ वर्षीय वाग्लेको गए राति रुपन्देहीको भैरहवामा उपचारको क्रममा मृत्यु भएको हो । उहाँ इलाका प्रहरी कार्यालय बर्दघाटका इन्चार्ज हुनुहुन्थ्यो ।बर्दघाट नगरपालिका–४ स्थित पूर्वपश्चिम राजमार्गमा हिंडिरहेको बेला उनलाई लु १४ प ८७५८ नम्बरको मोटरसाइकलले गएराति सवा आठ बजेतिर ठक्कर दिएको थियो । ठक्करबाट गम्भीर घाइते भएपछि उहाँलाई उपचार गर्न भैरहवास्थित युनिभर्सल कलेज अफ मेडिकल साइन्सेसमा लगिएको थियो । उहाँको राति १० बजेर ५७ मिनेटमा मृत्यु भएको डिएसपी राजु लामाले बताउनुभयो ।
