काठमाडौं । प्रधानमन्त्री केपी शर्मा ओलीले सर्वदलीय बैठकको आह्वान गर्नुभएको छ । उहाँले शनिबारका लागि बैठकको आह्वान गर्नुभएको हो । बैठकमा सहभागी हुन माओवादी केन्द्रका अध्यक्ष पुष्पकमल दाहाल प्रचण्डलाई प्रधानमन्त्री ओली आफैँले फोन गर्नुभएको छ ।
बालुवाटार स्रोतका अनुसार प्रधानमन्त्री ओलीले भोलि शनिबार बिहान ११ बजे प्रधानमन्त्री निवासमै सर्वदलीय बैठक राख्नुभएको हो । मुलुकको पछिल्लो समसामयिक राजनीतिक घटनाक्रमबारे छलफल गर्न प्रधानमन्त्री ओलीले सर्वदलीय बैठक आह्वान गर्नुभएको हो ।
