कोरोनाका थप १८८ सङ्क्रमित, ७७ निको भए

काठमाडौं । पछिल्लो २४ घन्टामा नेपालमा कोरोना भाइरसका १८८ जना सङ्क्रमित थपिएका छन् । स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा थपिएका १८८ सङ्क्रमित थपिएसँगै नेपालमा कोरोनाका कुल सङ्क्रमितको संख्या दुई लाख ७६ हजार २४४ पुगेको छ ।
पछिल्लो चौबीस घण्टामा नेपालमा चार हजार ३२ जनाको परीक्षण भएकोमा सो संख्या थप भएका छन् । यस्तै, ७७ जना सङ्क्रमित निको भएका छन् । हालसम्म दुई लाख ७२ हजार ९७ जना निको भएका छन् ।
मन्त्रालयका अनुसार हाल एकहजार १२८ जनामा कोरोनाको सङ्क्रमण सक्रिय छ । मन्त्रालयले हाल ४८ जना क्वारेन्टिनमा रहेको जनाएको छ । हाल निको हुने दर ९८.६ प्रतिशत छ । पछिल्लो चौबीस घण्टामा कसैको पनि मृत्यु भएको छैन । हालसम्म तीन हजार १९ जनाको सङ्क्रमणबाट मृत्यु भैसकेको छ ।