काठमाडौं । पछिल्लो २४ घन्टामा नेपालमा कोरोना भाइरसका ११४ जना सङ्क्रमित थपिएका छन् ।
स्वास्थ्य तथा जनसंख्या मन्त्रालयका पछिल्लो चौबीस घण्टामा दुई हजार ७९० आरटीपीसीआर परीक्षण गरिएको जनाएको छ ।
नेपालमा ११४ जना सङ्क्रमित थपिएसँगै नेपालमा कुल सङ्क्रमितको संख्या दुई लाख ७५ हजार ४२४ पुगेको छ । यस्तै, ९४ जना निको भएका छन् । हालसम्म निको भएकाको संख्या दुई लाख ७१ हजार ४९५ पुगेको छ । मन्त्रालयले हाल ९१५ जनामा भाइरसको सङ्क्रमण सक्रिय रहेको जनाएको छ ।
पछिल्लो चौबीस घण्टामा कोही पनि कोरोना सङ्क्रमितको मृत्यु नभएको मन्त्रालयले जनाएको छ । कोरोनाबाट नेपालमा तीन हजार १४ जनाको मृत्यु भएको हो । हाल ५५ जना क्वारेन्टिनमा छन् । हालसम्म २२ लाख २१ हजार ५१२ जनाको आरटीपीसीआर परीक्षण गरिएको छ ।
