७९ जना नयाँ सङ्क्रमित, ७५ जना निको

काठमाडौं । नेपालमा पछिल्लो २४ घन्टामा कोरोना भाइरसका ७९ जना सङ्क्रमित थपिएका छन् ।
स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा तीन हजार ३११ आरटीपीसीआर परीक्षण गरिएको जनाएको छ ।
नेपालमा ७९ जना सङ्क्रमित थपिएसँगै कुल सङ्क्रमितको संख्या दुई लाख ७५ हजार ३१० पुगेको छ । यस्तै ७५ जना निको भएको मन्त्रालयले जनाएको छ । हालसम्म निको भएकाको संख्या दुई लाख ७१ हजार ४०१ पुगेको छ । मन्त्रालयले हाल ८९५ जनामा भाइरसको सङ्क्रमण सक्रिय रहेको जनाएको छ ।
पछिल्लो चौबीस घण्टामा कोही पनि कोरोना सङ्क्रमितको मृत्यु भएको छैन । कोरोनाबाट नेपालमा हालसम्म तीन हजार १४ जनाको मृत्यु छ । हाल ४४ जना क्वारेन्टिनमा छन् । हालसम्म २२ लाख १८ हजार ७२२ जनाको आरटीपीसीआर परीक्षण गरिएको मन्त्रालयले जनाएको छ ।