काठमाडौँ । नेपालमा देशभरमा आज ५३ जना सक्रिय सङ्क्रमित थपिएका छन् । पछिल्लो २४ घण्टामा ७७ जना सङ्क्रमण मुक्त भएका छन् ।
आज सङ्क्रमणमुक्त भएका ७७ गरी हालसम्म दुई लाख ७१ हजार ३२६ सङ्क्रमणमुक्त भएको मन्त्रालयले जनाएको छ । आजसम्म निको हुने दर ९८ दशमलब छ प्रतिशत रहेको छ । योसँगै जम्मा सङ्क्रमितको सङ्ख्या दुई लाख ७५ हजार २३१ पुगेको छ ।
काठमाडौँमा १९ नयाँ सङ्क्रमित फेला परेका छन् । पछिल्लो २४ घण्टामा देशभरका प्रयोगशालामा गरी दुई हजार ६१५ नमूना परीक्षण भएको थियो । हालसम्म २२ लाख १५ हजार ४११ नमूना परीक्षण भइसकेको छ । प्रति १० लाख जनसङ्ख्यामा ७६ हजार ३४ परीक्षण भएको बताइएको छ । कोभिड–१९ का कारण हालसम्म देशभरमा तीन हजार १४ जनाको मृत्यु भइसकेको छ । पछिल्लो २४ घण्टामा भने कोभिडका कारण कसैले पनि ज्यान गुमाएका छैनन् ।
हाल क्वारेन्टाइनमा रहेकाको सङ्ख्या ४७ रहेको बताइएको छ । सरकारले देशभरमा हाल कोभिडविरुद्धको खोप लगाइरहेको छ । हालसम्म खोप लगाउनेको सङ्ख्या १४ लाख ७७ हजार ७१३ पुगेको छ ।
