कोरोनाका थप ९७ सङ्क्रमित, ६६ जना निको

काठमाडौं । नेपालमा पछिल्लो २४ घन्टामा कोरोना भाइरसका ९७ जना सङ्क्रमित थपिएका छन् । चार हजार ४४४ जनाको आरटीपीसीआर परीक्षण गरिएकोमा ९७ जनामा सङ्क्रमणको पुष्टि भएको हो ।
स्वास्थ्य तथा जनसंख्या मन्त्रालयका अनुसार थपिएका सङ्क्रमितसँगै नेपालमा कोरोनाका कुल सङ्क्रमितको संख्या दुई लाख ७५ हजार ७० पुगेको छ ।
त्यसैगरी पछिल्लो चौबीस घण्टामा ६६ जना सङ्क्रमित निको भएका छन् । हालसम्म दुई लाख ७१ हजार ११६ जना सङ्क्रमित निको भएका हुन् । सङ्क्रमित निको हुने दर ९८.६ प्रतिशत रहेको छ । हालसम्म २२ लाख सात हजार ९२२ जनाको आरटीपीसीआर परीक्षण गरिएको छ ।
स्वास्थ्य मन्त्रालयका अनुसार हाल ९४२ जनामा भाइरसको सङ्क्रमण सक्रिय छ भने ५९ जना क्वारेन्टिनमा रहेका छन् । पछिल्लो २४ घण्टामा कसैको पनि मृत्यु भएको छैन । हालसम्म कोरोना भाइरसको सङ्क्रमणबाट तीन हजार १२ जनाको मृत्यु भइसकेको छ ।