१०७ कोरोनाका नयाँ सङ्क्रमित, ७८ कोरोनामुक्त

काठमाडौं । पछिल्लो चौबीस घन्टामा नेपालमा कोरोना भाइरसका १०७ जना नयाँ सङ्क्रमित थपिएका छन् भने ७८ जना सङ्क्रमित निको भएका छन् ।
स्वास्थ्य तथा जनसंख्या मन्त्रालयले कोभिड–१९ सम्बन्धी दैनिक विवरण अद्यावधिक गर्दै पछिल्लो चौबीस घण्टामा १०७ जना सङ्क्रमित थपिँदा नेपालमा कोरोनाका कुल सङ्क्रमितको संख्या दुई लाख ७४ हजार ४८८ पुगेको जनाइएको छ । हाल ७९५ जनामा भाइरसको सङ्क्रमण सक्रिय रहेको छ । हालसम्म दुई लाख ७० हजार ६८३ जना सङ्क्रमित निको भएका छन् । कोरोना सङ्क्रमणबाट निको हुने दर ९८.६१ पुगेको छ ।
चौबीस घण्टामा ३७ जना महिला र ७० जना पुरुष सङ्क्रमित थपिएका छन् ।
मन्त्रालयका अनुसार पछिल्लो चौबीस घण्टामा कुनै पनि सङ्क्रमितको मृत्यु भएको छैन । हाल ७९५ जना आइसोलेशनमा र ५७ जना क्वारेन्टिनमा रहेका छन् ।
पछिल्लो चौबीस घण्टामा पाँच हजार ५३६ जनाको आरटीपीसीआर परीक्षण गरिएको मन्त्रालयले जनाएको छ । मन्त्रालयका अनुसार हालसम्म २१ लाख ७९ हजार ४७ जनाको आरटीपीसीआर परीक्षण गरिएको छ ।