कोभिडबाट थप ७३ जना संक्रमित, ६४ जना निको

काठमाडौं । नेपालमा पछिल्लो २४ घण्टामा कोरोना भाइरसका संक्रमित ७३ जना थपिएका छन् । स्वास्थ्य तथा जनसंख्या मन्त्रालयका अनुसार सो अवधिमा ६४ जनामा सक्रमित निको भएका छन् ।
मन्त्रालयका अनुसार नेपालमा अहिलेसम्म दुई लाख ७४ हजार २१६ जना संक्रमित पुगेका छन् । निको हुनेको संख्या हालसम्म दुई लाख ७० हजार ४७१ जना पुगेको छ । नेपालमा ९८. ६ प्रतिशत निको भएका छन् । मन्त्रालयका अनुसार हाल ९६८ जनामा भाइरसको सङ्क्रमण सक्रिय रहेको छ ।
त्यस्तै पछिल्लो २४ घण्टामा तीन जनाको मृत्यु भएको छ । हालसम्म कोरोना सङ्क्रमणे मृत्यु हुनेको संख्या दुई हजार ७७७ पुगेको मन्त्रालयले जनाएको छ ।