विराटनगर । मोरङको मिक्लाजुङमा शिक्षकको गोली हानी हत्या भएको छ । आज बिहान ५४ वर्षे शिक्षक राजेन्द्र श्रेष्ठको हत्या भएको हो ।
श्रेष्ठको हत्या भएको जानकारी मृतकका भतिज महेश श्रेष्ठले प्रहरीलाई जानकारी गराएका थिए । घरबाट केही टाढा रहेको जंगलमा श्रेष्ठको हत्या भएको प्रहरीले जनाएको छ ।
श्रेष्ठ स्थानीय सरस्वती आधारभूत स्कुलका प्रधानाध्यापक रहेको प्रहरी जनाएको छ।
कसले हत्या गरेको हो भन्ने यकिन नभएपनि हत्यामा नेत्रविक्रम चन्द विप्लव समूहका कार्यकर्ताको संलग्नता रहेको हुन सक्ने प्रहरीले जनाएको छ । थप अनुसन्धानका लागि प्रहरी टोली घटनास्थलमा पुगेको बताइएको छ ।
