काठमाडौं उपत्यकामा थपिए १८ सय ७८ संक्रमित

काठमाडौं । पछिल्लो २४ घण्टामा काठमाडौँ उपत्यकमा मात्र १ हजार ८७८ जनामा कोरोना पुष्टि भएको छ। स्वास्थ्य तथा जनसंख्या मन्त्रालयका अनुसार काठमाडौँमा १ हजार ५७०, भक्तपुरमा ११९ र ललितपुरमा १८९ जनामा कोरोना पुष्टि भएको हो ।
मन्त्रालयका अनुसार पछिल्लो २४ घण्टामा देशभरमा ३ हजार ३०९ जना कोरोनाभाइरस संक्रमण पुष्टि भएको छ । स्वास्थ्य मन्त्रालयका अनुसार आज थपिएका समेत गरेर नेपालमा संक्रमितको कुल संख्या १ लाख ८२ हजार ९२३ पुगेको छ । उनीहरु मध्ये ३६ हजार ९११ जनामा भाइरस सक्रिय रहेको मन्त्रालयले जनाएको छ ।
त्यसतै पछिल्लो २४ घण्टामा ३ हजार ८४४ जना संक्रमणमुक्त भएका छन् । हालसम्म संक्रमण मुक्त हुनेको संख्या १ लाख ४४ हजार ९७८ जना पुगेको छ ।
त्यस्तै पछिल्लो २४ घण्टामा थप ३० जनाको कोरोना भाइरस संक्रमणका कारण मृत्यु भएको छ । योसँगै मृतकको कुल संख्या १ हजार ३४ पुगेको छ।