काठमाडौं । पछिल्लो २४ घण्टामा काठमाडौं उपत्यकामा १ हजार ६३० जना कोरोना सङ्क्रमित थपिएका छन् ।
स्वास्थ्य तथा जनसंख्या मन्त्रालयका अनुसार काठमाडौं, ललितपुर र भक्तपुरमा गरी एक हजार ६३० जना नयाँ सङ्क्रमित थपिएका हुन ।
काठमाडौंमा १ हजार ३६२, ललितपुरमा १६४ र भक्तपुरमा ९६ रहेका छन् ।
आज थपिएका सङ्क्रमितमध्ये ७०२ जना महिला र ९२८ जना पुरूष रहेका छन् ।
त्यस्तै आज देशभरमा २ हजार ९३३ जनामा कोरोनाभाइरस सङ्क्रमित थपिएका छन् । मन्त्रालयका अनुसार आज थपिएका समेत गरेर नेपालमा कुल सङ्क्रमित संख्या १ लाख ७६ हजार ५ सय पुगेको छ । उनीहरु मध्ये ३७ हजार ५२४ जनामा भाइरसको सङ्क्रमण सक्रिय छ ।
त्यस्तै पछिल्लो २४ घण्टामा ३ हजार १५० जना कोरोना सङ्क्रमित निको भएको मन्त्रालयले जनाएको छ । हालसम्म १ लाख ३७ हजार ९९२ सङ्क्रमित निको भएका छन् ।
त्यसैगरी, पछिल्लो २४ घण्टामा २४ जना सङ्क्रमितको मृत्यु भएको छ । योसँगै नेपालमा कोरोनाभाइरसबाट मृत्यु हुनेको संख्या ९८४ पुगेको छ ।
९ माघ २०८१, बुधबार | Wed Jan 22 2025
