काठमाडौं । पछिल्लो २४ घण्टामा काठमाडौं उपत्यकामा कोरोनाभाइरसका संmक्रमित एक हजार ५५२ जना थपिएका छन् । स्वास्थ्य तथा जनसंख्या मन्त्रालयका अनुसार काठमाडौंमा एक हजार २८३, ललितपुरमा १५७ र भक्तपुरमा ११२ जना नयाँ सङ्क्रमित पहिचान भएका हुन ।
पछिल्लो २४ घण्टामा देशैभरि तीन हजार ६३७ जना सङ्क्रमित थपिएका छन् । नेपालमा कुल सङ्क्रमितको संख्या एक लाख ४८ हजार ५०९ पुगेको छ ।पछिल्लो २४ घण्टामा १५ हजार २५५ जनाको आरटीपीसीआर परीक्षण गरिएको छ ।
त्यस्तै पछिल्लो २४ घण्टामा तीन हजार २१५ जना सङ्क्रमित निको भएर घर फर्केका छन् । आज समेत गरेर संक्रमण मुक्त हुनेको संख्या १ लाख २ हजार ८२० पुगेको छ । संक्रमित मध्ये २९० जना आइसीयू र ७७ जना भेन्टिलेटरमा रहेर उपचार गराइरहेका छन् ।
त्यस्तै पछिल्लो २४ घण्टामा २१ जनाको कोरोना भाइरसका कारण मृत्यु भएको छ । योसँगै नेपालमा कोभिड–१९ को कारणले मृत्यु हुनेको संख्या ८१२ पुगेको छ ।
