काठमाडौं । पछिल्लो २४ घण्टामा काठमाडौं उपत्यकामा १ हजार ५ सय ३१ जना कोरोना संक्रमित थपिएका छन् ।
उनीहरुमध्ये काठमाडौंमा ११७८ जना, भक्तपुरमा १०३ र ललितपुरमा २५० जना हुन ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार हालसम्म उपत्यकामा कोराना संक्रमितको संख्या ३१ हजार ४८ पुगेको छ।
काठमाडौंमा २५ हजार २२४, ललितपुरमा ३ हजार २३३ र भक्तपुरमा २ हजार ५९१ संक्रमित पुगेका छन्।
पछिल्लो २४ घण्टामा देशभर २४४० जना कोरोना संक्रमण पुष्टि भएकाे छ। योसँगै नेपालमा संक्रमितको कुल संख्या ८९ हजार २६३ पुगेको छ। जसमध्ये २३ हजार ५०७ जना सक्रिय संक्रमित छन् ।
पछिल्लो २४ घण्टामा ११३३ जना कोरोना संक्रमणमुक्त भएका छन् । योसँगै हालसम्म ६५ हजार २०२ जना निको भएका छन् । हाल ४ हजार ३३ जना क्वारेन्टाइनमा छन् ।
९ माघ २०८१, बुधबार | Wed Jan 22 2025
