बाँकेमा दुई सङ्क्रमितको निधन

बाँके । बाँकेमा थप दुईजना कोरोना संक्रमितको निधन भएको प्रमुख जिल्ला अधिकारी रामबहादुर कुरुम्बाङले जानकारी दिएका छन् । उनका अनुसार नेपालगन्ज शिक्षण कलेज कोहलपुरमा कोराना संक्रमित कोहलपुर १० का ५३ बर्षका पुरुष र नेपालगन्ज उपमहानगरपालिकाका ४१ बर्षका पुरुषको उपचारको क्रममा सोमबारराति निधन भएको हो ।
बाँकेमा कोरोनाबाट निधन हुनेको संख्या १५ पुगेको छ । जिल्लामा कुल संक्रमित एक हजार ८६० मध्य एक हजर ५०७ जना उपचारपछि घर फिर्ता हुनुभएको छ । मंगलबार मात्र ४४ जना डिष्चाज हुने स्वास्थ्य कार्यालयले जनाएको छ ।