उपत्यकामा थपिए ७११ संक्रमित, ५ जनाको मृत्यु

काठमाडौं । पछिल्लो २४ घण्टामा काठमाडौं उपत्यकामा ७ सय ११ कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार काठमाडौंमा ५ सय ७०, भक्तपुरमा ८३ र ललितपुरमा ५८ जना संक्रमित थपिएका हुन् ।
आज देशभरी १ हजार २ सय ४ जना नयाँ कोरोना भाइरसका संक्रमित थपिएका छन । १० हजार ३ सय ३३ पीसीआर परीक्षण भएकोमा ४ सय ८ जना महिला र ७ सय ९६ जना पुरुषमा संक्रमण देखिएको छ।
त्यस्तै आज १ हजार ४ सय ४७ संक्रमित निको भएर घर फर्किएका छन । यो समेत गरेर कोरोना संक्रमण निको हुनेको संख्या ४५ हजार २ सय ६७ पुगेको छ ।