काठमाडौं उपत्यकामा थपिए ६ सय १८ संक्रमित

काठमाडौं । पछिल्लो २४ घण्टामा काठमाडौं उपत्यकामा ६ सय १८ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार काठमाडौंमा ५ सय ७, भक्तपुरमा ६१ र ललितपुरमा ५० जना संक्रमित थपिएका हुन ।
योसहित उपत्यकामा कोराना संक्रमितको संख्या १४ हजार ३ सय ७९ पुगेको छ।
पछिल्लो २४ घण्टामा देशभरमा १ हजार २४६ नयाँ संक्रमित थपिएका छन् । योसहित हालसम्म ५९ हजार ५७३ जना संक्रमित पुगेको छ ।
हाल देशभर १६ हजार २४१ जना सक्रिय संक्रमित छन् भने ७ हजार ९०३ जना संस्थागत आइसोलेसनमा छन्। हाल होम आइसोलेसनमा ८ हजार ३३८ जना छन्।
पछिल्लो २४ घण्टामा १० हजार ६४१ जनाको परीक्षण भएको छ। योसहित हालसम्म ८ लाख ८२ हजार ९१५ जनाको परीक्षण भएको छ।
हाल क्वारेन्टाइनमा ७ हजार ८८३ जना छन्। पछिल्लो २४ घण्टामा १२४३ जना निको भएका छन् भने हालसम्म ४२ हजार ९४९ जना निको भएका छन् ।
त्यस्तै २४ घण्टामा थप ४ जनाको मृत्यु भएको छ । यो सहित कोरोनाबाट मृत्यु हुनेको संख्या ३८३ जना पुगेका छन् ।