काठमाडौं उपत्यकामा थपिए ६७६ संक्रमित

काठमाडौं । पछिल्लो २४ घण्टामा काठमाडौं उपत्यकामा ६७६ कोरोना संक्रमित थपिएका छन् । जसमध्ये काठमाडौंमा ५५५ , भक्तपुरमा ८६ र ललितपुरमा ३५ जना छन् ।
स्वास्थ्य तथा जनसंख्या मन्त्रालयका अनुसार आज थपिएका समेत गरेर उपत्यकामा कोराना संक्रमितको संख्या १२ हजार ९ सय २४ पुगेको छ।
उनीहरु मध्ये काठमाडौंमा १० हजार ५ सय ८३ ललितपुरमा १ हजार २ सय २६ र भक्तपुरमा १ हजार १ सय १५ छन्।
पछिल्लो २४ घण्टामा देशभर १ हजार ४ सय ५९ नयाँ संक्रमित थपिएसँगै कूल संक्रमितको संख्या ५६ हजार ७ सय ८८ पुगेको छ।
त्यस्तै २४ घण्टा १ हजार ६२ जना डिस्चार्ज भएसँगै कोरोना संक्रमण मुक्त हुनेको संख्या ४० हजार ६ सय ३० जना पुगेको छ।