दार्चुला । जिल्लाको नौगाड गाउँपालिकामा पनि ड्रागन खेती शुरु गरिएको छ । नौगाड गाउँपालिका–६ को मलानमा ग्रीनल्याण्ड कषि तथा पशु फार्म दर्ता गरेर कृषि क्षेत्रका विज्ञ तथा इन्जिनीयरहरु मिलेर ड्रागन खेती शुरु गरेका हुन् ।
कृषि क्याम्पस रामपुरबाट स्नातकोत्तर गरेका महेन्द्रसिंह धामीको नेतृत्वमा सूचना प्रविधि इन्जिनीयर भक्तसिंह ठगुन्ना र सिभिल इन्जिनीयर कैलाश धामीलगायतको टोलीले ड्रागन फुड खेती शुरु गरेको छ । एक हजार ८०० वर्गकिलोमिटर जमीन भाडामा लिएर यो खेती शुरु गरिएको इन्जिनीयर महेन्द्रसिंहले जानकारी दिएका छन्।
यो खेतीको शुरुआत गर्न उनीहरुले १० लाख बढी रकम खर्च गर्दैछन् । “कृषि पढिसकेपछि आफ्नै क्षेत्रमा केही गर्नुपर्छ भन्ने भावना लिएर आफूहरुले आफ्नै ठाउँमा व्यवसाय गर्न लागेका हौँ”, भक्तसिंहले भनेका छन् । ड्रागनले खेती शुरु गरेको ड्रागनले दुई वर्षपछि उत्पादन दिने गर्दछ । कैलाश भन्छन्, “हावापानी, मौसम सुहाउँदो देखिएकाले ड्रागनले खेती शुरु गरेका हौँ ।” यो खेती गर्न गाउँपालिकाले पनि सहयोग गरेको छ । पहिलो चरणमा दुई लाख ड्रागन फुट व्यवसाय सञ्चालनको लागि सहयोग गरिएको गाउँपालिका अध्यक्ष प्रेमसिंह धामीले बताएका छन् । रासस
