काठमाडौं । पछिल्लो २४ घण्टामा काठमाडौँ उपत्यकामा थप ४३१ जनामा कोरोना भाइरसको संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार काठमाडौँमा ३७७, भक्तपुरमा १७ र ललितपुरमा ३७ जनामा कोरोना संक्रमण पुष्टि भएको छ ।
आज थपिएका समेत गरेर उपत्यकामा कोरोना भाइरसबाट संक्रमित हुनेको संख्या ११ हजार १३९ पुगेको छ।
काठमाडौंमा ९ हजार १ सय ३, ललितपुरमा १ हजार १ सय २९ र भक्तपुरमा ९०७ संक्रमित पुगेका छन् ।
पछिल्लो २४ घण्टामा देशभरमा १२ सय १ जनामा कोरोना भाइरसको संक्रमण पुष्टि भएको छ । नेपालमा कुल संक्रमितको संख्या ५३ हजार १२० जना पुगेको छ ।
अनुसार आजसम्म देशभरमा सक्रिय संक्रमितको संख्या १५ हजार २६० रहेको छ। पछिल्लो २४ घण्टामा थप १० हजार १७६ जनाको पीसीआर परीक्षण गरिएको थियो।
त्यस्तै पछिल्लो २४ घण्टामा थप ८५२ जना कोरोना संक्रमित निको भएका छन् । योसँगै नेपालमा कोरोनामुक्त हुनेको संख्या ३७ हजार ५२४ पुगेको छ। प्रवक्ता गौतमका अनुसार निको हुनेको संख्या संक्रमितको ७०।६ प्रतिशत हो।
त्यस्तै पछिल्लो २४ घण्टामा देशभर थप १४ जना कोरोना संक्रमितको मृत्यु भएको छ। यो समेत गरेर कोरोना भाइरसबाट मृत्यु हुनको संख्या ३३६ जना पुगेको छ ।
