उपत्यकामा एकैदिन थपिए ५७२ कोरोना संक्रमित

काठमाडौं । आज काठमाडौँ उपत्यकामा हालसम्मकै एकै दिन धेरै संक्रमित थपिएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा उपत्यकामा ५७२ जनामा कोरोना भाइरसको संक्रमण पुष्टि भएको छ।
मन्त्रालयका प्रवक्ता प्राडा जागेश्वर गौतमका अनुसार काठमाडौँ ४९५, ललितपुरमा ४३ जना र भक्तपुर ३४ जनामा कोरोना पुष्टि भएको हो ।
योसँगै उपत्यकामा कोरोना भाइरसबाट संक्रमित हुनेको संख्या १० हजार १२ पुगेको छ।