उपत्यकामा थपिए एकै दिन हालसम्मकै धेरै संक्रमित

काठमाडौं । काठमाडौं उपत्यकामा एकै दिन थपिने कोरोना संक्रमितको संख्या हालसम्मकै धेरै अर्थात ४८१ जना छन् । आज थपिएका समेत गरेर उपत्यकामा कोरोना भाइरसबाट संक्रमित हुनेको संख्या ६ हजार २ सय ६ पुगेको छ ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार पछिल्लो २४ घण्टामा काठमाडौं जिल्लामा ३९०, ललितपुरमा ५८ र भक्तपुरमा ३० जना संक्रमित थपिएका छन् ।
त्यस्तै पछिल्लो २४ घण्टामा देशभरमा १०६९ जनामा कोरोना भाइरसको संक्रमण पुष्टि भएको छ । आज थपिएका समेत गरेर नेपालमा कोरोना संक्रमित हुनेको संख्या ४० हजार ५२९ जना पुगेको छ।
त्यस्तै पछिल्लो २४ घण्टामा ७६८ जना कोरोना संक्रमणमुक्त भएका छन् । योसहित २२ हजार १७८ निको भएका छन् ।