काठमाडौं उपत्यकामा थप २९८ जनामा कोरोना संक्रमण

काठमाडौं । उपत्यकामा पछिल्लो २४ घन्टामा २९८ जना कोरोना संक्रिमत थपिएका छन्। योसँगै उपत्यकामा कोरोना भाइरसबाट संक्रमित हुनेको संख्या ५ हजार ७ सय २५ पुगेको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार काठमाडौंमा १९०, ललितपुरमा ६७ र भक्तपुरमा ४१ जना संक्रमित थपिएका छन् ।
त्यस्तै पछिल्लो २४ घण्टामा देशभरमा ८ सय ९९ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार आज महिला ३०३ र पुरुष ५९६ संक्रमित थपिएका हुन । आज थपिएकाहरु समेत गरेर ३९ हजार ४ सय ६० जना संक्रमित पुगेका छन् ।
मन्त्रालयका प्रवक्ता प्राडा जागेश्वर गौतमका अनुसार संक्रमणमुक्त हुने २१ हजार ४ सय १० जना रहेका छन्।
पछिल्लो २४ घण्टामा ११ हजार १ सय २९ पीसीआर परीक्षण भएको मन्त्रालयले जनाएको छ।