उपत्यकामा एकैदिन थपिए ३७७ जना संक्रमित

काठमाडौँ । काठमाडौं उपत्यकामा एकै दिन ३७७ जना कोरोना भाइरस संक्रमित पुष्टि भएको छ । स्वास्थ्य तथा जनसंख्या मन्त्रालयले बिहीबार दिएको जानकारी अनुसार पछिल्लो २४ घन्टामा काठमाडौं २७०, ललितपुर ६६ र भक्तपुरमा ४१ जना संक्रमित थपिएका हुन । काठमाडौं उपत्यकामा एकै दिन संक्रमित हुनेको संख्या यो अहिलेसम्मकै बढी हो।
उपत्यकामा कोरोना भाइरसबाट संक्रमित हुनेको कुल संख्या ४ हजार ३ सय ९७ पुगेको मन्त्रालयका प्रवक्ता डा जागेश्वर गौतमले बताएका छन्।
त्यस्तै आज देशभर १ हजार १ सय ११ नयाँ संक्रमित थपिएका छन्। देशभर संक्रमितको संख्या हालसम्म ३५ हजार ५ सय २० पुगेको छ।