उपत्यकामा थपिए १ सय ६६ जना कोरोना संक्रमित

काठमाडौँ । पछिल्लो २४ घन्टामा काठमाडौं उपत्यकामा १ सय ६६ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले आइतबार दिएको जानकारी अनुसार काठमाडौंमा १ सय २६, भक्तपुरमा २८ र ललितपुरमा १२ जना संक्रमित भएको हो ।
आज देशभरमा ८ सय १८ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घन्टामा ८ सय १८ थपिएसँगै नेपालमा कूल संक्रमितको संख्या ३१ हजार ९ सय ३५ पुगेको छ ।
मन्त्रालयका प्रवक्ता डा।जागेश्वर गौतमले दिएको जानकारी अनुसार २४ घन्टामा २ सय ८१ जना डिस्चार्ज भएका छन् । यो सँगै कोरोना संक्रमण निको हुनेको संख्या १८ हजार ६ सय ३१ पुगेको छ ।
त्यसतै २४ घन्टामा थप ३ जनाको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या १४९ पुगेको छ ।