काठमाडौं उपत्यकामा थपिए १२७ संक्रमित

काठमाडैं । काठमाडौंमा १ सय ११, ललितपुरमा ११ र भक्तपुरमा ५ जना गरी काठमाडौं उपत्यकामा आज १२७ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार आज थपिएका सहित काठमाडौं उपत्यकामा कुल संक्रमितको संख्या १ हजार ५ सय ५९ पुगेको छ। संक्रमितको संख्या काठमाडौंमा १ हजार २ सय ७८, ललितपुरमा १ सय ९१ र भक्तपुरमा १ सय १० पुगेको मन्त्रालयका प्रवक्ता गौतमले बताएका छन्।
बिहीबार देशभर ५ सय २५ संक्रमित थपिएसँगै कुल संक्रमितको संख्या २४ हजार ९ सय ५७ पुगेको छ । त्यस्तै १०९ जना संक्रमित निको भएसँगै कोरोनोलाई जितेर घर फर्किनेको संख्या १६ हजार ८ सय ३७ पुगेको छ।
प्रवक्ता गौतमका अनुसार नेपालमा अहिलेसम्म कोरोना संक्रमणबाट ९५ जनाको मृत्यु भएको छ।