ड्राइपोर्टमा डिस्टिफिङको काम एक साता बन्द

वीरगंज / वीरगंज–२५ श्रीसियास्थित सुक्खा बन्दरगाहमा मालसामान राख्ने ठाउँ कम भएपछि भारत वा तेस्रो मुलुकबाट आयात भएका कन्टनेर सीधैं गन्तव्यमा लैजान आग्रह गरिएको छ ।
बन्दरगाह सञ्चालन गर्ने कम्पनी हिमालयन टर्मिनलले गत जेठ १८ गते सूचना निकाल्दै एक साताको लागि डिस्टिफिड्ढो काम बन्द गरेको जानकारी गराएको हो । डिस्टिफिड्ढो अर्थ रेलबाट आउने कन्टेनर बन्दरगाह यार्डमा खोलेर हेरी, पुनः ट्रकमा लोड गर्नु हो । यसले भीडभाड बढाउने र असहज परिस्थिति पैदा हुने भएकोले डिस्टिफिड्ढो काम बन्द गरी व्यवसायीलाई आफ्नो सामान कन्टेनरमैं लैजान आग्रह गरिएको हिमालयन टर्मिनलका प्रमुख कार्यकारी अधिकृत विष्णुकान्त चौधरीले बताए ।
“बन्दरगाह यार्डमा ३८ सय कन्टेनर होल्ड छ, करीब २३ सय ५० कन्टेनर बोकेको २५ रेक रेल कोलकाता र विशाखापट्टनमबाट आउँदैछन्,” उनले भने, “चाँडै कन्टनेर उठाउने काम भएन भने भारतबाट सामान लिएर रेल आउन सक्दैन, त्यस कारण बन्दरगाह परिसरमा मालसामान ओसारपसार गर्नुभन्दा कन्टेनर नै उद्योगमा लैजान डिस्टिफिड्ढो काम बन्द गरेका हौं ।”
उनले यार्ड खाली भएपछि पुनः डिस्टिफिड्ढो सेवा उपलब्ध गराइने बताए । बन्दरगाहमा १५८६ कन्टेनर राख्ने क्षमता छ भने ३८ सय कन्टेनर थुप्रिएका छन् । त्यसैगरी, बोराबन्द सामान पनि करीब १० हजार टन र फलामजन्य सामान ४० हजार टन थुप्रिएको हिमालयन टर्मिनलले जनाएको छ ।
वीरगंजका उद्योगी–व्यवसायीले यस्तो निर्णयले सास्ती खेप्नुपर्ने बताएका छन् । वीरगंज उद्योग वाणिज्य सङ्घका वरिष्ठ उपाध्यक्ष सुबोध गुप्ताले गाडी र चालक नपाइरहेको अवस्थामा सामान उठाउन समस्या भइरहेको बताए । उनले सामान ढिलो उठाउँदा सिपिङलाइन कम्पनीहरूले पनि महँगो शुल्क लिने र लकडाउनमा मालसामान ढुवानीमा समस्या भएको बताए । त्यसैगरी, वीरगंजका अर्का उद्योगी गणेश लाठले सरकारले लकडाउनको स्वरूपमा परिवर्तन नगरे समस्या झनै बल्भिंmदै जाने बताए ।
“भारतलगायत विश्वका अन्य देशमा कोरोना महामारीबीच उद्योग, कलकारखाना र व्यवसाय शुरू भइरहेका छन् । जबसम्म उद्योग चल्दैन सबै कुरा सहज हुँदैन । गाडी र चालक कसरी जोहो गर्ने त्यो सरकारको काम हो, सरकारले जिम्मेवारीपूर्वक काम गरेको भए समस्या बढ्ने थिएन । लकडाउन गर्ने, तर कोरोनाइतर समस्या निरूपण गर्नेबारे मौन रहने हो भने कोरोनाले मारोस्, नमारोस् । भोकमरी र गरीबीले भने सबैलाई मार्छ,” उनले बताए ।