ठगीको आरोपमा शिवानन्द स्वामी भनिने भण्डारी पक्राउ

काठमाडौं । शिवानन्द स्वामी भनिने दिपक भण्डारीलाई प्रहरीले पक्राउ गरेको छ । शिष्यलाई ठगी गरेको आरोपमा महानगरीय अपराध अनुसन्धान महाशाखाको टोलीले भण्डारीलाई आज पक्राउ गरेको हो ।
भण्डारीले शिष्यलाई विदेश पठाइदिने भनेर रकम उठाएको तर विदेश नपठाइदिएको भन्दै उनकै चार जना शिष्यले उजुरी गरेपछि उनलाई पक्राउ गरिएको महाशाखाका प्रमुख एसएसपी सहकुल थापाले जनाएका छन् ।
एसएसपी थापाका अनुसार भण्डारीले चेक रिपब्लिक पठाउने भनिए पनि ती देशमा पठाउनलाई कुनै सम्बन्ध देखिएको छैन । टौदहमा पनि आश्रम रहेको वताउने भण्डारीले आफूलाई तन्त्रविद्याको विज्ञका रुपमा परिचय गराउने गरेका छन् ।