६ वटा गाडीलाई ठक्कर दिदै पस्यो घरभित्र पस्यो ट्यांकर

काठमाडौं । काठमाडौंको सोह्रखुट्टेमा पानी बोक्ने ट्यांकरले छ वटा गाडीलाई ठक्कर दिदै घरभित्र छिरेको छ।
आज विहान ९ बजे गोल्फुटारबाट आइरहेको बा ३ ख ९४५० नम्बरको पानीले भरिएको ट्यांकर ओह्रालोमा ब्रेक फेल भएपछि पाँच गाडी र एक मोटरसाइकललाई ठक्कर दिएको थियो। गाडीलाई ठोक्दै गुडेको ट्यांकर वीरबहादुर तामाङ र विषयजंग गुरूङको घरमा ठोक्किएको थियो। ट्यांकर ठोक्किएको घरमा सामान्य क्षति भएको छ।
ट्यांकरले चार वटा कार, एक बस र एक मोटरसाइकललाई ठक्कर दिएको बताइएको छ । मोटरसाइकल चालकलाई सामान्य चोट लागेको महानगरीय प्रहरी वृत्त सोह्रखुट्टेले जनाएको छ ।
ट्यांकर चालक फरार भएपनि टयांकर धनी भने प्रहरीको सम्पर्कमा आएको प्रहरीले जनाएको छ ।
मानवीय क्षति भने नभएको बताइएको छ ।