आईएमई इन्स्योरेन्सको नायब प्रमुुख कार्यकारीमा रेग्मी

काठमाडौँ । आईएमई जनरल इन्स्योरेन्स लिमिटेडको नायब प्रमुख कार्यकारी अधिकृतको पदमा शरण रेग्मी नियुक्त भएका छन् । नायब महाप्रन्धक पदमा कार्यरत रेग्मीलाई सञ्चालक समितिले नायब प्रमुख कार्यकारी अधिकृत पदमा नियुक्त गरेको हो ।
स्नातकोत्तर तह उतिर्ण गरी विगत २७ वर्षदेखि निर्जीवन बीमा तथा वित्त क्षेत्रमा कार्यरत रेग्मीले तत्कालीन एनआईडीसी क्यापिटल मार्केट लि. (हाल सनराइज क्याटिलमा) दुुईवर्ष, युनाइटेड इन्स्योरेनस कम्पनी (नेपाल) लिमिटेडमा सात वर्ष, सगरमाथा इन्स्योरेन्स लिमिटेडमा आठवर्ष, सिद्धार्थ डेभलपमेण्ट बैंक (हाल जनता बैंकमा) मा ६ वर्ष र आईएमई जनरल इन्स्योरेन्स लिमिटेडमा चारवर्ष कार्य गरेको लामो अनुभव रहेको बताइएको छ ।