सामाजिक सुरक्षा कोष सम्वन्धि अभिमुखिकरण सम्पन्न

काठमाडौं । नेपाल विज्ञापन संघ (आन) को आयोजना र सामाजिक सुरक्षा कोषको प्राविधिक सहयोगमा “सामाजिक सुरक्षा कोष सम्वन्धि अभिमुखिकरण कार्यक्रम” वानेश्वर काठमाडौमा सम्पन्न भएको छ ।
कार्यक्रमको सभापतित्व गर्दै आनका अध्यक्ष रविन्द्र कुमार रिजाल “शशि”ले सरकारले ल्याएको सामाजिक सुरक्षा कोषमा हामी सवैले सहयोग गर्नु पर्ने धारणा राखेका थिए । कार्यक्रममा सामाजिक सुरक्षा कोषका निर्देशक तथा प्रवक्ता रमा भट्टराईले उपस्थित विज्ञापन एजेन्सिहरुले सामाजिक सुरक्षा कोषको वारेमा राखेका जिज्ञासाहरुको उत्तर दिदै यो कार्यक्रम आयोजना गरेकोमा संघलाई धन्यवाद व्यक्त गरिन् । कार्यक्रममा संघका ७० भन्दा वढि सदस्यहरुको उपस्थिति रहेको थियो ।