जनकपुर– एन आई सी एशिया बैंकले जनकपुर उपमहानगरपालिका वडा नं. ८, पिडारी चोकमा नयाँ शाखा कार्यालय संचालनमा ल्याएको छ ।
ग्रामीण तथा दुर्गम स्थानहरु साथै शहरी क्षेत्रमा समेत आफ्नो उपस्थितिलाई थप दरिलो बनाउने क्रमसँगै जनकपुर उपमहानगरपालिकामा शाखा संचालनमा ल्याएको बैंकले जनाएको छ ।
शाखाको उद्घाटन गर्दै प्रदेश नं २ का मुख्यमन्त्री लालबाबु राउतले बैंकको शाखा विस्तार भएसँगै स्थानीयले बैंकको सुविधाको भरपुर उपयोग गर्न सक्ने भन्दै बैंकलाई शुभकामना पनि दिए ।
