काठमाडौँ । जेन-जी र अन्य समूहबीच कुरा नमिल्दा मन्त्रीपरिषद् विस्तार अड्किएको छ ।
विभिन्न समूहमा छलफल गरेर मन्त्रीहरूको नाम टुङ्ग्याउनुपर्ने चुनौती आएपछि आइतबार पनि मन्त्रिपरिषद् विस्तार हुन नसकेको हो ।
अन्तरिम सरकारकी प्रधानमन्त्री सुशीला कार्कीले आइतबार बिहान पदभार ग्रहण गरे पनि मन्त्रिपरिषद् विस्तार गर्न सकिनन् ।
आइतबार बिहानै जेन-जी अनिल बानियाँले बेलुकासम्ममा केही मन्त्रीहरूको नाम टुङ्गो लाग्ने बताएका थिए ।
प्रधानमन्त्रीनिकट स्रोतका अनुसार मन्त्रिपरिषद् गठन कहिलेसम्ममा भइसक्छ भन्ने टुङ्गो लागेको छैन।
जेन-जीका अनुसार मेडिकल व्यवसायी तथा राजावादी अभियन्ता दुर्गा प्रसाईंले पनि मन्त्रिमण्डलमा मागेका छन्।
तर उनलाई जेनजी युवाहरू भाग दिन तयार छैनन्। यस्तै काठमाडौँ महानगरपालिकाका मेयर बालेन्द्र साहनिकटलाई पनि मन्त्रीमण्डलमा राख्नुपर्ने बाध्यता छ।
जेन-जीका अनुसार मेडिकल व्यवसायी तथा राजावादी अभियन्ता दुर्गा प्रसाईंले पनि मन्त्रिमण्डलमा मागेका छन्।
तर उनलाई जेनजी युवाहरू भाग दिन तयार छैनन्। यस्तै काठमाडौँ महानगरपालिकाका मेयर बालेन्द्र साहनिकटलाई पनि मन्त्रीमण्डलमा राख्नुपर्ने बाध्यता छ।
यता धरानका मेयर हर्क साम्पाङले पनि आफ्ना मान्छे मन्त्रिमण्डलमा समायोजन गर्नुपर्ने माग राख्दै फर्किएका छन्। जेन-जीहरूका विभिन्न समूह र टिम भएकाले उनीहरूलाई पनि समावेश गर्नुपर्ने चुनौती छ। यहीकारण मन्त्रिपरिषद विस्तार हुन नसकेको बताइन्छ । तर यसबारे प्रधानमन्त्री कार्कीले केही कुरा खोलेकी छैनन् ।
आज दिउँसो पनि रिपोर्ट्स क्लबमा जेनजी युवाबीच कुटाकुट भएको थियो । घुसपेट भएका आशंकामा उनीहरूको कुटाकुट भएको दाबी गरिएको छ ।
