काठमाडौँ । आईसीसी क्रिकेट विश्वकप लिग–२ अन्तर्गत त्रिकोणात्मक एकदिवसीय शृङ्खलाको चौथो तथा अन्तिम खेलमा नेपालले नेदरल्यान्ड्सलाई जितका लागि २३७ रनको लक्ष्य दिएको छ।
स्कटल्यान्डको डुन्डेस्थित फोर्टहिल क्रिकेट मैदानमा टस हारेर पहिला ब्याटिङको निम्तो पाएको नेपालले निर्धारित ५० ओभरमा नौ विकेट गुमाउँदै २३६ रन बनायो।
नेपालका लागि आरिफ शेखले सर्वाधिक ८४ रनको योगदान दिए। उनले ८५ बलमा सात चौका र दुई छक्काको मद्दतमा ८४ रन बनाएका हुन्।
यसैगरी, भीम सार्की र कप्तान रोहित पौडेलले समान ३५/३५ रन बनाए।
कुशल भुर्तेलले १८, दीपेन्द्रसिंह ऐरीले १६, बसिर अहमद र करण केसीले समान ११/११ तथा नन्दन यादवले १० रन बनाए।
सन्दीप लामिछाने दुई रन जोड्दै आउट भए।
नेदरल्यान्डस्का लागि पउल भान मिकेरनले ४ विकेट लिँदा माइकल लेभिटले तीन तथा आर्यन दत्तले एक विकेट लिए।
नेदरल्यान्ड्स अहिले जवाफी ब्याटिङमा उत्रेको छ ।
