काठमाडौँ । अमेरिकामा सेनाको हेलिप्कटर र विमान ठोक्किएका छन् । हेलिकोप्टरसँग ठोकिएर नदीमा खसेको ६४ जना सवार अमेरिकी विमान टुक्राटुक्रा अवस्थामा फेला परेको सीएनएनले जनाएको छ ।
रेगन वासिङ्टन राष्ट्रिय विमानस्थलनजिकै पोटोम्याक नदीमा विमान टुक्राटुक्रा अवस्थामा फेला परेको हो । अहिलेसम्म कोही पनि जीवित फेला नपरेको समाचारमा जनाइएको छ।
एक भिडियोमा नजिकैको नदीमाथि विमान र हेलिकोप्टर ठोक्किएर विष्फोट भएको देखिन्छ । तीन जना सवार हेलिकप्टर पनि पानीनजिकै खसेको पाइएको समाचारमा जनाइएको छ ।
६० यात्रु र चालकदलका चार सदस्य जना सवार उक्त विमान क्यान्सास राज्यको विचिटाबाट उडेको थियो । वाशिङटन डिसीको रोनल्ड रेगन विमानस्थलको धावनमार्ग ३३ मा अवतरण गर्ने तयारीका क्रममा हेलिकप्टरसँग आकाशमा ठोक्किएको र पोटोम्याक नदीमा खसेको अमेरिकाको संघीय नागरिक उड्डयन निकाय (एफएए)ले जनाएको छ ।
