काठमाडौं । प्रधानमन्त्री केपी शर्मा ओलीले सरकारको सय दिनको उपलब्धि सार्वजनिक गर्ने भएका छन् ।
प्रधानमन्त्रीको सचिवालयका अनुसार ओलीले दिउँसो साढे २ बजे प्रधानमन्त्री तथा मन्त्रीपरिषदको कार्यालय सिंहदरबारबाट सरकारको सय दिनको उपलब्धि सार्वजनिक गर्ने भएका हुन् ।
प्रधानमन्त्री ओलीले एक सय दिनमा सरकारले गरेका कामहरुको विवरण, आगामी योजनालगायतका विषय समेटेर सम्बोधन गर्ने तयारी गरिएको छ ।
ओली पछिल्लो पटक प्रधानमन्त्री भएको मंगलबार एक सय दिन पुगेको छ । ओली नेपाली कांग्रेसको समर्थनमा गत असार ३० गते प्रधानमन्त्रीमा नियुक्त भएका थिए ।
