काठमाडौं । नेकपा एमालेका अयक्ष तथा प्रधानमन्त्री केपी शर्मा ओलीले मनोनित पदाधिकारी तथा केन्द्रीय सदस्यहरूलाई शपथ गराएका छन् ।साउन १७ गते बसेको एमाले सचिवालय बैठकले एक उपाध्यक्ष, दुईजना स्थायी कमिटी सदस्य तथा १७ जनालाई केन्द्रीय सदस्यमा मनोनीत गरेको थियो । उपाध्यक्षमा गुरु बराल मनोनीत भएका थिए ।
गत बिहीबार बसेको एमाले सचिवालय बैठकले उपाध्यक्षमा बराल, दुईजना स्थायी कमिटी सदस्य मुकुन्द न्यौपाने र लिलानाथ श्रेष्ठ र केन्द्रीय कमिटी सदस्यमा १७ जनालाई मनोनयन गरेको थियो ।
मनोनित केन्द्रीय सदस्यहरूमा सुवास कर्मचार्य, कुन्दन कुसवाह, जितेन्द्र देव, रामप्रीत राम, कृष्णभक्त पोखरेल, कमलकृष्ण तिमिल्सिना, गोविन्द पुन, केदार सिग्देल, मनमोहन पौडेल, भरदेव जोशी, हरि उप्रेती, इन्द्र भण्डारी, महेश बर्तौला, सरिता भुसाल, प्रभा बराल, मञ्जु शर्मा चालिसे र आशा जवेगु छन् ।
उनीहरुलाई पार्टी मुख्यालय च्यासलमा आयोजित समारोहमा पद तथा गोपनीयताको शपथ गराइएको हो ।
