पहाडमा वर्षा, तराईमा हावाहुरीको सम्भावना

काठमाडौँ । आज पहाडी भेगमा वर्षा तथा तराई क्षेत्रमा हावाहुरीको सम्भावना देखिएको मौसम पूर्वानुमान महाशाखाले जनाएको छ।
दिउँसो पहाडी क्षेत्रमा आंशिकदेखि सामान्यतया बदली (आकाशमा बादल) रही बाँकी स्थानमा आंशिक बदलीदेखि मौसम सामान्यतया सफा रहने महाशाखाले जनाएको छ। पहाडी भेगका थोरै स्थानमा मेघगर्जन÷चट्याङसहित हल्का÷क्षणिक वर्षाको सम्भावना रहेको छ।
महाशाखाकी मौसमविद् सजिना शाक्यका अनुसार यसमा विशेषगरी कोशी प्रदेशको पहाडी भेगका केही स्थानमा वर्षाको सम्भावना अलि बढी छ। यसैगरी आज काठमाडौँ उपत्यकामा पनि कतै कतै छिटपुट वर्षाको सम्भावना छ। यसबाहेक देशका पहाडी भेगका अन्य स्थानमा पनि हल्का/क्षणिक वर्षाको सम्भावना रहेको मौसमविद् शाक्यले जानकारी दिइन्।
यस्तै आज दिउँसो तराईका थोरै स्थानमा हावाहुरीको सम्भावना रहेको मौसम महाशाखाले जनाएको छ।