निर्वाचनको तयारीमा जसपा, सतै प्रदेशमा प्रचार संयोजक तोकिए

काठमाडौं । जनता समाजवादी पार्टी, नेपालको केन्द्रीय सूचना, सञ्चार, प्रकाशन तथा प्रचार विभागले आसन्न निर्वाचनको प्रचारप्रसारको लागि जिम्मेवारी बाँडफाँड गरेको छ । बुधबार बसेको विभागको बैठकले ७ वटै प्रदेश समिति र मधेशका ८ वटा जिल्लालाई समेत केन्द्रीय विभागले हेर्ने गरीे प्रचार संयोजक तोकेको हो ।
जस अनुसार प्रदेश नम्बर १ र धनुषा जिल्लाको प्रचार संयोजकमा योगराज वनेम, मधेश प्रदेशको संयोजकमा अमरनाथ मण्डल, बागमती प्रदेश र बारा जिल्लाको संयोजक लक्ष्मण हुमागाई, गण्डकी प्रदेश र सिराहा जिल्ला संयोजक कर्णबहादुर बुढा मगर, लुम्बिनी प्रदेश र महोत्तरी जिल्ला संयोजक मनिकर कार्की, कर्णाली प्रदेश र पर्सा जिल्ला संयोजक पासाङ शेर्पा र महेश चौरसिया सुदुरपश्चिम प्रदेश र सप्तरी जिल्लाको प्रचार संयोजनको जिम्मेवारी दिएको छ ।
त्यसैगरी सर्लाही जिल्लाको संयोजनका लागि सीमा सिंह र रेवन्त झालाई रौतहट जिल्लाको जिम्मेवारी तोकिएको बताइएको छ ।