Margadarsan


  • मैत्रीपूर्ण फुटबलमा पुमा टोल विजयी

    मार्गदर्शन २७ आश्विन २०७८, बुधबार

    लमजुङ । बे‌ंसीशहर नगरपालिका-६ मा भएको टोल स्तरीय फुटबल प्रतियोगितामा पुमागाउँ टोल विजेता बनेको छ । विजय दशमीको अवसरमा चण्डेश्वरी युवा क्लवले मालेबगरमा मैत्रीपूर्ण टोलस्तरिय फुटबल प्रतियोगिता आयोजना गरेको हो ।

    बेलौतिबिसौना टोल र पुमागाउँ टोलबीच भएको फाइनल खेलमा चार गोल गर्दै पुमागाउँ टोल विजेता बनेको हो । उपविजेता बेलौतिबिसौना टोलबाट कुनै पनि गोल हुन सकेन । विजेता तथा उपविजेता खेलाडीहरुलाई बेसीशहर नगरपलिका ६ का वडा सदस्य होमबहादुर राउतले पुरस्कार वितरण गरे ।

    विजेता पुमा टोललाई नगद २० हजार, खेलाडीहरुलाई मेडल र प्रमाणपत्र प्रदान गरिएको छ । त्यस्तैगरी उपबिजेता बेलौतिबिसौना टोललाई नगर १० हजार, खेलाडीहरुलाई मेडल र प्रमाणपत्र प्रदान गरिएको छ ।

    उत्कृष्ट गोलकिपर बेलौतिबिसौनी टोलमका खेलाडी शम्भु रिमाल, खेल अवधिभर ६/ ६ गोल गरी सर्वाधिक गोलकर्तामा बेलौतिबिसौना टोलका नबिन रिमाल र पुमा टोलका प्रेम गुरुङ, उत्कृष्ट खेलाडीमा पुमा टोलका चिज मिजार र बेलौतिबिसौना टोलका चिरन रिमाल घोषित भए । उनीहरुलाई जनही १/१ हजार रुपैयाँ थप पुरस्कार प्रदान गरिएको छ ।

    फेसबुक प्रतिक्रिया