काठमाडौँ । गए राति भएको इंग्लिस प्रिमियर लिग फुटबलमा चेल्सीले साउथह्याम्पटनलाई ३–१ गोल अन्तरले पराजित गरेको छ । चेल्सीको जितमा टिमो वेर्नेर, बेन चिलवाल र ट्रेभो चालोभाले एक–एक गोल गर्नुभयो ।
साउथह्याम्पटनका जेम्स वार्डले एक गोल गर्नुभएको थियो । ७७औं मिनेटमा जेम्सले रातो कार्ड पाएपछि साउथह्याम्पटन १० खेलाडीमा समेटिएको थियो । जितसँगै चेल्सी ७ खेलमा १६ अंक जोडेर शीर्ष स्थानमा उक्लिएको छ । साउथह्याम्पटन ४ अंक जोडेर १७ औं स्थानमा रहेको छ ।
