काठमाडौँ । प्रमुख प्रतिपक्षी दल नेकपा एमालेका अध्यक्ष केपी शर्मा ओली आज बुटवल जाँदै हुनुहुन्छ । रुपन्देही जिल्लाका पार्टीका अगुवा कार्यकर्ता भेलालाई सम्बोधन गर्न अध्यक्ष ओली बुटवल जान लाग्नुभएको भएको हो ।
बुटवल देवीनगर एन्फा मैदानमा हुने भेलामा जिल्लाका १६ वटै स्थानीय तहका १५ हजारभन्दा बढी अगुवा कार्यकर्ता सहभागी हुने जनाइएको छ ।
भेलालाई पार्टी अध्यक्ष ओलीसहित उपमहासचिवद्वय विष्णुप्रसाद पौडेल र घनश्याम भुसाल, स्थायी कमिटी सदस्य टोपबहादुर रायमाझी, केन्द्रीय सदस्य महेश बस्नेतलगायत नेताहरुले सम्बोधन गर्ने कार्यक्रम रहेको एमाले लुम्बिनी प्रदेशका सचिव भुमिश्वर ढकालले बताउनुभयो ।
