Margadarsan


  • २४ घण्टामा १,५६२ थपिए कोरोना संक्रमित, १,५८९ मुक्त, १९ जनाको मृत्यु

    मार्गदर्शन २९ भाद्र २०७८, मंगलवार

    काठमाडौं । नेपालमा पछिल्लो २४ घण्टामा १,५६२ जना कोरोना भाइरसका संक्रमित थपिएका छन् ।  १० हजार २ सय ६६ पीसीआर परीक्षण गर्दा १ हजार १८० जना र ४ हजार १७७ एन्टिजेन परीक्षण गर्दा ३ सय ८२ गरी १ हजार ५६२ जना कोरोना भाइरसका संक्रमित थपिएको स्वास्थ्य तथा जनसंख्या मन्त्रालयले जनाएको छ ।

    त्यसैगरी पछिल्लो २४ घण्टामा कोरोना संक्रमणबाट १९ जनाको मृत्यु भएको छ भने १ हजार ५८९ जना निको भएका छन् ।

    मंगलबार थपिएसँगै नेपालमा कोरोना संक्रमितको कुल संख्या ७ लाख ७९ हजार ४९२ पुगेको छ । योसँगै नेपाल मृत्‍यु हुनेको संख्या १० हजार ९८४ पुगेको छ भने ७ लाख ४२ हजार ३०६ जना संक्रमणमुक्त भएका छन् ।

    मन्त्रालयका अनुसार हाल देशभर सक्रिय संक्रमितको संख्या २६ हजार २०२ जना रहेको छ । तीमध्ये २४ हजार ६९० जना होम आइसोलेसनमा रहेका छन् भने १ हजार ५१२ जना संस्थागत आइसोलेसनमा रहेका छन् । कोरोनाका बिरामीमध्ये ४५३ जना आईसीयू र १३७ जना भेन्टिलेटरमा उपचाररत् रहेको मन्त्रालयले जनाएको छ ।

    मन्त्रालयका अनुसार १० वर्षमुनिका ३७ बालबालिकामा कोरोना संक्रमण देेखिएको छ भने ११ देखि २० वर्ष उमेर समूहका १ सयजना कोरोना संक्रमित थपिएका छन् ।

    फेसबुक प्रतिक्रिया