अर्जेन्टिना र चिलीको बराबरी अंक

काठमाडौं । अर्जेन्टिना र चिलीले बराबरी गर्दै कोपा अमेरिका अन्तर्गत समूह चरणको खेलमा अंक बाँडेका छन् ।
गएराति भएको खेलमा अर्जेन्टिना र चिलीले एक–एक गोलको बराबरी भएको थियो । खेलको ३३ औं मिनेटमा अर्जेन्टिनाका कप्तान लियोनल मेस्सीको फ्रिकिक गोलमा गरेर अग्रता लिएका थिए ।
दोस्रो हाफमा चिलीले एक गोल फर्काउँदै खेललाई बराबरीमा ल्याएको थियो। खेलको ५७ औं मिनेटमा एडुआर्डो भार्गासले गोल गरेका थिए । पेनाल्टी क्षेत्रभित्र निकोलसले आर्टुरो भिडाललाई लडाएपछि रेफ्रीले पेनाल्टी दिएका थिए।
भिडाल आफैंले गरेको पेनाल्टीलाई अर्जेन्टिनी गोलरक्षक एमिलियानो मार्टिनेजले विफल पारेपनि रिबाउन्डमा आएको बललाई एडुआर्डोले गोल गर्न सफल भएका थिए ।
समूह ए कै अर्को खेलमा पाराग्वेले बोलिभियालाई ३–१ गोल अन्तरले पाखा लगाएको छ।