काठमाडौं । पछिल्लो २४ घण्टामा देशभर थप ३३७ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ३ हजार ५३२ जनाको पीसीआर परीक्षण गरिएको थियो । पछिल्लो २४ घण्टामा एक संक्रमितको मृत्यु भएको छ भने १५१ जना संक्रमणमुक्त भएको मन्त्रालयले जनाएको छ ।
नेपालमा कोरोनाका कुल सङ्क्रमितको संख्या दुई लाख ७९ हजार ७२५ पुगेको छ । नेपालमा अहिलेसम्म दुई लाख ७३ हजार ८८६ जना निको भएका छन् ।
