थपिए १६२ जना कोरोना सङ्क्रमित, ५९ मुक्त

काठमाडौं । नेपालमा कोरोना भाइरसका १६२ जना सङ्क्रमित थपिएका छन् । पछिल्लो चौबीस घण्टामा तीन हजार ९१९ जनाको आरटीपीसीआर परीक्षणमा १६२ जनामा सङ्क्रमणको पुष्टि भएको हो ।
स्वास्थय तथा जनसंख्या मन्त्रालयका अनुसार पछिल्लो चौबीस घण्टामा थपिएका सङ्क्रमितसँगै नेपालमा कोरोनाका कुल सङ्क्रमित संख्या दुई लाख ७७ हजार ३०९ पुगेको छ । पछिल्लो चौबीस घण्टामा ५९ जना सङ्क्रमित निको भएका छन् । उक्त संख्यासँगै नेपालमा कोभिड १९ बाट मुक्त हुनेको संख्या दुई लाख ७२ हजार ७८६ पुगेको छ ।
मन्त्रालयका अनुसार हाल एक हजार ४९३ जनामा कोरोना भाइरस सङ्क्रमण सक्रिय रहेको छ । ५९ जना हाल क्वारेन्टिनमा छन् । मन्त्रालयका अनुसार पछिल्लो चौबीस घण्टामा कोरोनाबाट हुने मृत्युको पुष्टि भएको छैन् । हालसम्म कोरोनाबाट नेपालमा तीन हजार ३० जनाको मृत्यु भएको छ ।